مرتبة الشرف ..... سعد علوش

تضيق بي الدنيا بكبرها من معابيس الوجيه
وهذاك لا منه تبسّم شفت للدنيا طرف
مني وليه أحببته هو حبني منه وليه
من غير لانا أعترف ومن غير لاهو يعترف
ليه أتحاكى وكل أبوي يعرف غاية كل ابيه
اليا فرح أفرح ودمعه لي ذرف دمعي ذرف
أغليه يعني اعشقه اعشقه يعني اموت فيه
يعني انا ميت مع عشقه ومرتبة الشرف
ميت ويعشق والسبب مافي داعي ان احكيه
الغيب في الدنيا هو وهو الحاله محترف
الشامخ اللي لي اقبل وحظن يديني في يديه
تراعدت فرايصه بالغنج وتساقط ترف
امش معه من غير لا اينَ ولا كيفَ وليه
من حيث مايجرفني اغمض عيوني وانجرف
ان قال لا اقول لا وان قال ايه اقول ايه
ماعرف ماسمع ما أرى ما أرى ماسمع ماعرف
اللي اعرفه اني ابيه يتجمل بي وأبيه
وان كان العدل في صدته سجلني أكبر منحرف
يغفرلي الله والله يديمه ويرحم والديه
علمني ان البعد نكسة حال والصد اقرف